Babai dhe traineri i Khabib Nurmagomedov, Abdulmanap Nurmagomedov, 57 vjeç, raportohet se është në gjendje kome në një spital ushtarak në Moskë.
Babai i kampionit të UFC përfundoi në spital në fund të prillit për shkak të simptomave të pneumonisë dhe gripit. Pshte i dyshuar ër Coronavirus, por doli negativ në teste.
Rusia Sport Express shkruan se Abdulmanap është në një gjendje shumë të rëndë, dhe javën e kaluar ai u transferua në fshehtësi të rreptë me aeroplan në Moskë, ku dhe po trajtohet, raporton SCSport.
“Ai nuk u trajtua si duhet në Dagestan, kështu që u shfaqën disa komplikime. Ai u transferua në Moskë, ku tani është në një spital ushtarak. Atje është vetëm dhe vizitat janë të ndaluara”, shtoi i njëjti burim.
Ai nuk ka COVID, por ka shumë të ngjarë të jetë sëmurur në Makhachkala, ku kaloi dy ditë në male.
“Ai u sëmur në male. Ai po shëtiste për dy ditë në mot të ftohtë dhe vëllezërit e tij mezi e bindën që të shkonte në spital. Shumë të tjerë që ishin me Abdulmanap gjithashtu u sëmurën”, zbuloi gazetari rus Ramazan Rabadanov disa ditë më parë. /tesheshi.com/
