Presidenti i Azerbajxhanit Ilham Aliyev tha të dielën se ai do të binte dakord për një armëpushim nëse Armenia premton të tërheqë trupat e saj nga rajoni Nago-Karabak.
Baku-ja do të jetë e gatshme të pezullojë operacionet në Nago-Karabak nëse Armenia premton të tërheqë forcat e saj nga qytetet në rajon, tha ai.
“Kushti ynë për një armëpushim është që Armenia të propozojë një agjendë të përkohshme për tërheqjen e trupave nga territoret e okupuara azerbajxhanase, e cila nuk do të shprehej vetëm me fjalë, por do të zbatohej me vepra, (me detaje) se cilat territore do të çliroheshin dhe në cilat ditë”, tha presidenti i Azerbajxhanit.
Falje edhe nga Macron
Ai shtoi se Azerbajxhani pajtohet që problemi me Armeninë duhet të zgjidhet përmes dialogut, por që duhet të ketë një bazë për një gjë të tillë.
“Kryeministri armen duhet të konfirmojë marrëveshjen me marrëveshjet e mëparshme, sipas të cilave territoret e Nago-Karabakut njihen si territore të okupuara azerbajxhanse”, tha Aliyev.
Sipas presidentit të Azerbajxhanit, një armëpushim do të kërkonte gjithashtu një falje nga kryeministri i Armenisë, i cili pretendohet se i quajti armene territoret e okupuara azerbajxhanase.
Nëse këto kushte nuk plotësohen, operacionet e Azerbajxhanit do të vazhdojnë dhe Baku do të përpiqet të krijojë marrëdhënie normale me popullin armen pas çlirimit të territoreve të tij, vuri në dukje Aliyev.
Ai gjithashtu i kërkoi një kërkim-falje presidentit francez Emmanuel Macron, për pretendimet se luftëtarët sirianë do të transferohen në rajon për të marrë pjesë në operacionet në Nago-Karabak.
Aliyev konfirmoi në Twitter se qyteti i Jebrail dhe disa fshatra të okupuara më parë nga ushtria armene ishin çliruar.
“Sot, ushtria azerbajxhanase çliroi qytetin Jebrail dhe disa fshatra që ishin nën okupim. Rroftë ushtria azerbajxhanase! Karabaku është Azerbajxhan,” tha udhëheqësi azernë profilin e tij në Twitter.
Ministria e Mbrojtjes e vendit gjithashtu tha se ushtria azerbajxhanase kishte çliruar Jebrail-in, një zonë të rëndësishme strategjike në rajonin e Karabakut.
“Sipas informacionit nga burime të sigurta, ushtria azerbajxhanase, pas fshatrave Buyuk Mercanli, Maralyan dhe Seybey, gjithashtu çliroi qytetin e Jebrail, i cili është i një rëndësie thelbësore në rajonin e Karabagut,” tha ajo.
Dënimet turke dhe ruse
Autoritetet turke dënuan të sielën sulmet “armene” ndaj një qyteti tjetër azerbajxhanas – Ganjas, duke thënë se shënjestrat ishin civilë ndërsa përplasjet vazhdonin në rajonin e Nago-Karabakut.
Agjensitë raportuan më herët të sielën se bombardimet e një qyteti me rreth 330,000 vranë të paktën një civil dhe plagosën disa të tjerë.
“Sulmet armene, të cilat sot shënjestruan civilët si shënjestra në qytetin e Ganjas, janë një shembull i ri që strategjia armene nuk respekton ligjin. Ne i dënojmë këto sulme,” tha Ministria e Jashtme turke.
Turqia dhe Azerbajxhani mbajnë lidhje të ngushta dhe e konsiderojnë veten “një komb në dy shtete”.
Ministria e Mbrojtjes e Azerbajxhanit tha të dielën se Ganja ishte nën “zjarrin armen”.
Baku-ja akuzoi Jerevanin për sulmin, ndërsa autoritetet armene mohuan përfshirjen.
Ministri i Jashtëm rus Sergei Lavrov bëri thirrje të dielën për një armëpushim të menjëhershëm në Nago-Karabak dhe tha se Moska ishte e gatshme të ndihmonte për të gjetur një mënyrë për të dalë nga konflikti përmes OSBE-së.
Ai i tha kolegut të tij nga Armenia se Rusia është e shqetësuar për rritjen e viktimave të konfliktit, i cili shpërtheu në fund të shtatorit.
Akuza të ndërsjella dhe mobilizim
Luftimet kryesore në rajonin Nago-Karabak në Kaukazin e Jugut filluan javën e kaluar.
Të dy palët akuzojnë njëra-tjetrën për nxitje të konfliktit dhe pretendojnë se forcat e tyre “vranë mijëra trupa armike”, sipas agjencive.
Më 27 shtator, forcat armene kryen sulme të reja ndaj vendbanimeve dhe pozicioneve të Azerbajxhanit dhe forcat azerbajxhanase u përgjigjën me sulme ndaj pozicioneve armene.
Autoritetet armene shpallën mobilizimin e përgjithshëm dhe gjendjen e luftës për shkak të konfliktit në rajonin e Nago-Karabakut, dhe autoritetet e Azerbajxhanit gjithashtu shpallën një gjendje lufte për 19 zona, përfshirë kryeqytetin Baku. /tesheshi.com/
