Armenia dhe Azerbajxhani konfirmuan sot se ministrat e tyre të Jashtëm do të udhëtojnë në Moskë për bisedime, tha Ministria e Jashtme Ruse.
Thirrja për negociata për të zgjidhur konfliktin në rajonin e Nago-Karabakut u dërgua nga Presidenti rus Vladimir Putin, raporton Reuters.
Putini mbajti një seri bisedash telefonike me presidentin e Azerbajxhanit Ilham Aliyev dhe kryeministrin armen Nikolla Pashinyan.
“Baku-ja dhe Jerevani kanë konfirmuar se ata do të marrin pjesë në negociatat në Moskë. Përgatitjet janë duke u zhvilluar,” tha zëdhënësja Maria Zaharova.
Ministri i Jashtëm Jejhun Bajramov do të marrë pjesë në bisedime në emër të Azerbajxhanit dhe Zorab Mnatsakanyan në emër të Armenisë.
Autoritetet armene shpallën mobilizimin e përgjithshëm dhe gjendjen e luftës për shkak të konfliktit në rajonin e Nago-Karabakut dhe autoritetet e Azerbajxhanit gjithashtu shpallën një gjendje lufte për 19 zona, përfshirë kryeqytetin Baku.
Që nga viti 1991, ushtria armene ka hyrë në Karabak, në territorin e njohur ndërkombëtarisht të Azerbajxhanit.
Katër rezoluta të Këshillit të Sigurimit të KB dhe dy rezoluta të Asamblesë së Përgjithshme të KB, si dhe shumë organizata ndërkombëtare, bëjnë thirrje për tërheqjen e forcave armene nga Karabaku Nagar dhe shtatë rajone të tjera të okupuara azerbajxhanase.
Që nga fillimi i konfliktit midis Armenisë dhe Azerbajxhanit për Nago-Karabakun, më shumë se 100 civilë janë vrarë, ndërsa më shumë se gjysma e popullsisë së rajonit është zhvendosur. /tesheshi.com/
