Të paktën 2,300 trupa armene janë neutralizuar në një kundërsulm të nisur nga forcat azerbajxhanase për të mbrojtur territorin e tyre të okupuar.
Ministria e Mbrojtjes e Azerbajxhanit njoftoi se 2,300 ushtarë armenë janë vrarë dhe plagosur që nga 27 shtatori.
Gjithashtu, u shkatërruan në të njëjtën kohë gati 130 tanke dhe automjete të blinduara, më shumë se 200 sisteme artilerie dhe raketash, rreth 25 sisteme të mbrojtjes ajrore, gjashtë zona komande dhe vëzhgimi, pesë depo municioni, 50 armë antitank dhe 55 automjete ushtarake.
Forcat armene kryen sulme të reja në vendbanimet dhe pozicionet e Azerbajxhanit të sielën në mëngjes, dhe forcat azerbajxhanase u përgjigjën me sulme ndaj pozicioneve armene.
Autoritetet armene shpallën mobilizimin e përgjithshëm dhe gjendjen e luftës për konfliktin në rajonin e Karabakut, dhe autoritetet e Azerbajxhanit shpallën gjithashtu një gjendje lufte për 19 zona, duke përfshirë kryeqytetin Baku.
Që nga viti 1991, ushtria armene ka pushtuar në mënyrë të paligjshme Nago-Karabakun, një territor i njohur ndërkombëtarisht i Azerbajxhanit.
Katër rezoluta të Këshillit të Sigurimit të KB dhe dy rezoluta të Asamblesë së Përgjithshme të KB, si dhe shumë organizata ndërkombëtare, bëjnë thirrje për tërheqjen e forcave pushtuese armene nga Karabaku dhe shtatë rajone të tjera të okupuara të Azerbajxhanit. /tesheshi.com/
