I lindur në Istog, tanimë 28 vjeç, sulmuesi i përfaqësueses së Shqipërisë, Azdren Llullaku, është golashënuesi më i mirë në kampionatin rumun, me 12 gola të realizuar.
Lullaku luan për Gaz Metanin, skuadrën që renditet në vend të tretë në Ligën e Parë rumune.
Dje Gaz Metani fitoi 1-3 në fushën e Targu Mureshit, dhe dy prej golave për udhëtuesit u shënuan pikërisht nga Llullaku.
Azdreni ka shënuar 12 gola, vetëm një prej të cilëve me 11-metërsh. Ndjekësi i tij më i afërt është rumuni Cristian Bud, me tetë gola.
Sulmuesi 28-vjeçar nga Istogu e ka bërë debutimin me përfaqësuesen kuqezi në takimin e 6 tetorit ndaj Lihtenshtajnit.
Forma e tij aktuale ka tërhequr vëmendjen e skuadrave të Serisë B në Itali, që e kanë atë nën vëzhgim. /tesheshi.com/
