Në fillim të javës tjetër mbërrijnë në Shqipëria pjesa e parë e refugjatëve sirianë nga ana e Greqisë. Derën e ka hapur vetë komisioneri i Bashkimit Europian për emigracionin, Dimitris Avramopulos, i cili ka takuar sot krerët më të lartë të shtetit shqiptar.
Në konferencën për shtyp, që greku i cili drejton çështjen më të rëndësishme për BE-në aktualisht, mbajti me ministrin e Brendshëm shqiptar Saimir Tahiri, shpalli zyrtarisht hapjen e korrodorit shqiptar për refugjatët.
“Shqipëria nuk do të jetë vetëm, nëse do të përballet me fluksin e emigrantëve”. Kjo ishte deklarata e përsëritur disa herë nga Avramopoulos.
Aikërkoi nga Shqipëria që të bëjë më shumë për të ulur emigrimin e parregullt të shqiptarëve.
“Vlerësoj punën e Shqipërisë për trajtimin që i ka bërë çështjes së refugjatëve. As shtetet anëtare nuk ishin të përgatitura për tu përballur me një situatë të vështirë dhe ne ende nuk e dimë se kush do të jenë pasojat në atë që ne e quajmë rajonin e fqinjësisë së mirë.
Shqipëria nuk gjendet vetëm në trajtimin e kësaj çështje nëse do të gjendet në një situatë të tillë”, tha Avramopulos i cili publikisht nuk ka deklaruar se do të vijnë sirianët për faktin se një deklaratë mund të shkaktojë eksod.
Por brenda takimeve është four për nisjen e operacionit që javën e ardhshme.
Komisioneri i BE-së tha se “Kam mirëpritur lajmin e qeverisë shqiptare për planin e emergjencave për trajtimin e refugjatëve.
KE do të japë mëbshtetjen e nevojshme në rast se ajo kërkohet. KE po jep mbështetje Shqipërisë në mënyra të ndryshme dhe me instrumenta të ndryshme. Do të propozojmë që Shqipëria të njiihet si vendi sigurt në listen e vendeve të origjinës”.
Ndërkaq, ministri i Brendshëm shqiptar, Saimir Tahiri tha se “Shqipëria është e gatshme të bëjë detyrat dhe të mbaje përgjegjësitë e veta, si një përpjekje në kuadër të një plani europian. Jemi të gatshëm të kontribuojmë, të gjithë bashkë nën flamurin europian, ne mund tia dalim të përballemi me një emergjence të tillë”.
/tesheshi.com/
