Avokati i presidentit të Ora News, Ylli Ndroqi, ndryshe Xhemail Pasmaçiu, tha se vendimi për sekuestro pronash, përfshirë dhe televizionin, është i nxituar dhe do apelohet.
Alban Qafa argumentoi, në një dalje për median, tha se “është vënë sekuestro mbi 26 pasuri të në biznesi mbi 29-vjeçar. Ngrihet pyetja si është e mundur që brenda 7 ditësh nga regjistrimi i procedimit penal, u gjetën indicie sipas pretendimeve të arsyeshme për të shkuar drejt sekuestrimit të pasurive të z.Ylli Ndoqi?”
Ndërsa, sa i përket njoftimit të Policisë së Shtetit se Ndroqi është nën hetim prej 18 muajsh, avokati Qafa pretendoi se kishte gjetur nonsensin logjik.
“Vetëm një ditë më pas, policia e shteti ka nxituar që të deklarojë se hetimet kanë zgjatur 18 muaj nën drejtim e prokurorëve të SPAK. Para 8 muajsh prokurorët e SPAK janë betuar para presidentit në dhjetor të vitit 2019. Si mund të zhvillojë SPAK një hetim kur nuk ka ekzistuar?”.
Nga ana tjetër, ai renditi disa nga pronat e sekuestruara, ku tha se nuk duhet të ndërhyej në to për këto arsye:
“Z. Ndroqi i është kërkuar sekuestrimi i pronave që i ia ka dhënë vetë shteti me ligjin 7501, pasuri toke të lëna nga i ati.
Për apartamentin e ka bashkë gruan e tij, kjo nuk nuk mund të sekuestrohet pasi është një pasuri i përfituar siç e kanë përfituar shumë të tjerë.
Për RTV Ora, ia ka blerë shtetases Ilda Prifti, për 25 milion lekë të reja, dhe kjo është financuar nga një kontratë e dhenë nga banka.
Është sekuestruar Mercedes S600 që është blerë me kredi .
Një tokë në LanaBregas e financuar dhe kjo me kredi. Është sekuestruar një pasuri në Mullet, edhe transaksioni i kësaj është me bankë.
Të gjitha aktivitetet kanë rezultuar pa probleme nga autoritetet, viktimë e nxitimit të SPAK nuk është vetëm Ora News, por ka pasur raste që ju i dini që kanë paguar shtetasit shqiptarë”, tha avokati Qafa, duke aluduar në Agon Channel. /tesheshi.com/
