Avokati i familjeve të viktimave të 21 janarit, Dorian Matlija, ka hedhur akuza edhe ndaj vetë Prokurorisë, në lidhje me fatin e dosjes së të vrarëve.
Pra sipas tij, nuk është vetëm gjykata ajo që mban përgjegjësi për moszbardhjen e plotë të krimit e mosdaljen para drejtësisë të shkaktarëve të vërtetë të asaj tragjedie, por dhe organi që merret me ndërtimi e akuzës.
Ai përmendi rastin e të plagosurve atë ditë, 6 persona, për të cilët nuk janë kryer hetime ngritur akuza, edhe pse tre prej tyre, siç sqaroi avokati Matlija, i kanë plumbat në trup. Sepse në tre të të tjera, tha ai, plumbat kanë hyrë e dalë më pas nga trupi.
Madje ai përmendi rastin flagrant të një prej të plagosurve i cili shkon në kurim për spital, i thonë “je mirë” pasi ja mjekojnë plagën, por që në një spital privat i nxjerrin plumbin që e kishte ende mbi trup.
Komentet e avokat Dorian Matlija u bënë në emisionin e mëngjesit në Vizion Plus. /tesheshi.com/
