Avokatët e Donald Trump filluan mbrojtjen të premten, duke pretenduar se ish-presidenti i Shteteve të Bashkuara nuk duhet të dënohet në Senat për sulmin e përgjakshëm në Capitol t muajin e kaluar dhe e quajti procesin e shkarkimit i “hakmarrje politike” të demokratëve.
Avokatët e Trump pretendojnë se ai nuk nxiti trazirat e 6 janarit në të cilat u vranë pesë persona, përfshirë një oficer policie. Ata thanë se e drejta e tij për të folur ishte e mbrojtur nga Kushtetuta e SHBA-së dhe se prokurorët kishin dështuar të lidhnin drejtpërdrejt aktivitetet e protestuesve me ish-presidentin.
“Procesi i shkarkimit është një akt i padrejtë dhe qartë antikushtetues i hakmarrjes politike,” tha avokati Michael van der Veen në fjalët e tij hyrëse.
“Eshtë një gjueti shtrigash e motivuar politikisht e iniciuar nga demokratët.”
Nxitje për rebelim të dhunshëm
Të bindur se Trump do të bënte të njëjtën gjë përsëri kur të kthehej në pushtet, prokurorët u bënë thirrje senatorëve të SHBA-së që të parandalojnë ish-presidentin të kandidojë përsëri për “inkurajimin” e mbështetësve të tij për të sulmuar Capitolin.
Trump ka pretenduar që nga zgjedhjet presidenciale të nëntorit që Joe Biden i fitoi ato me mashtrim dhe mbështetësit e tij sulmuan Capitolin në kohën kur do konfirmohej fitorja Bidenit, duke e vonuar disa orë.
Van der Veen tha se pika e fjalimit të Trump ishte se proceset demokratike duhet të respektojnë shkronjën e ligjit.
“Këto nuk janë fjalët e dikujt që nxit një rebelim të dhunshëm,” tha ai.
Dy të tretat e senatorëve duhet të votojnë për dënimin e Trump, që do të thotë se 17 republikanët duhet të bashkohen me demokratët, gjë që nuk ka gjasa.
“Mezi pres të shoh se çfarë do të bëjnë miqtë e mi republikanë,” u tha Biden gazetarëve të premten në Shtëpinë e Bardhë.
Dy opsione
Nëse Trump shpallet i pafajshëm në këtë proces, Senati mund të vendosë ende ta censurojë atë ose ta ndalojë atë të mbajë përsëri detyrën. I pyetur të enjten në lidhje me opsionin e dytë, udhëheqësi i shumicës demokratike të Senatit Chuck Schumer tha se një vendim mbi këtë çështje duhet të presë fundin e gjyqit.
Vetë Trump refuzoi të dëshmonte në gjyq pasi u thirr për ta bërë këtë nga demokratët javën e kaluar. Avokatët e tij dhe një numër i madh i senatorëve republikanë po vë në dyshim kushtetutshmërinë e procesit të tërheqjes, tashmë të konfirmuar në dhomën e ulët të Kongresit, për herë të dytë.
Ata mendojnë se Senati nuk ka asnjë autoritet për të zhvilluar procedurat sepse Trump tashmë ka dhënë dorëheqjen, kështu që ai as nuk mund të hiqet.
Një argument i tillë lejon senatorët republikanë të votojnë kundër shkarkimt të Trump për shkak të kundërshtimit procedural, jo për shkak të mbështetjes së drejtpërdrejtë për pretendimet e tij. /tesheshi.com/
