I projektuar për të rivalizuar prodhuesit Boeing dhe Airbus, avioni i parë i prodhuar në Kinë është ngritur nga pista e aeroportit ndërkombëtar të Shangait, në fluturimin e tij përurues.
Një avion dymotorësh, C919 shpresohet të hapë për Kinën një epokë të re në fushën e aviacionit. Ngritja në qiell e avionit do të transmetohej drejtpërdrejt në televizionin shtetëror.
Prodhuar nga Comac, një kompani shtetërore kineze e krijuar në 2008-n, C919-ta qe planifikuar të fluturonte tre vite më parë. Sipas Comac-ut, 200 kompani kineze dhe 36 universitete kanë qenë të përshira në procesin e zhvillimit të projektit për prodhimin e këtij avioni pasagjerësh.
Nëse fluturimi i parë do të ketë sukses, do të kërkohen fillimisht certifikimi nga autoritetet e aviacionit civil përpara se të nisë shitja e tij.
Kompanitë ajrore kineze janë ato që më së shumti kanë bërë kërkesa për blerjen e avionit të ri të prodhuar në Kinë. /tesheshi.com/
