Një avion luftarak i forcave të armatosura nigeriane ka bombarduar gabimisht një kamp refugjatësh në verilindje të vendit. Nga goditja e objektivit të gabuar janë vrarë më së paku 52 persona dhe janë plagosur dhjetëra të tjerë.
Incidenti tragjik ka ndodhur një ditë më parë në Rann, ndërsa punonjësit humanitarë po shpërndanin ushqim për civilët në kamp.
Forcat ajrore të Nigerisë deklaruan se një avion luftarak ishte në mision kundër luftëtarëve të Boko Haramit kur gabimisht goditi kampin e refugjatëve.
Mes të vrarëve janë dhe punonjësit e ndihmave; Kryqi i Kuq lajmëroi për vdekjen e gjashtë personave prej personelit të tij.
Organizata “Mjekët pa Kufij” bëri thirrje për ndihmë, ndërkohë që raportoi për mbi 200 të plagosur nga bombardimi i gabuar.
Goditja nga ajri ngjau pranë kufirit me Kamerunin, ku ushtria nigeriane po ndeshet me militantët e Boko Haramit. /tesheshi.com/
