Franca ka nisur nje operacion të gjerë kërkimi në dhe rreth ishullit Reunion me shpresën e gjetjes së më shumë mbetjeve nga avioni zhdukur malajzian. Sipas Malajzisë, një pjesë e krahut të avionit të gjetur nga banorët vendas të ishullit, i përket avionit të zhdukur.
Por, hetuesit francezë ende nuk e kanë konfirmuar lidhjen mes mbetjeve të gjetura dhe avionit e kanë hedhur poshtë pretendimet se janë gjetur edhe pjesë të tjera të avionit.
Ndërkaq, të afërmit e pasagjerëve, kryesisht shtetas kinezë, protestuan përpara ambasadës malajziane në Pekin.
Familjarët ndihen të zemëruar për shkak të mospërputhshmërisë së dukshme në deklarata nga zyrtarët malajzianë dhe ata francezë.
Nisur nga të dhënat satelitore dhe rrymat ujore duket se është e sigurtë që mbetjet e gjetura të jenë të avionit të zhdukur, por e gjitha do konfirmim të saktë që familjarët të kenë prova bindëse për një të vërtetë që nuk duan ta besojnë. /tesheshi.com/
