Një incident ka ndodhur ditën e djeshme në aeroportin e Tarantos në Itali, kur një avion i madh menjëherë pas ngritjes humbi njërën nga rrotat.
Videoja, e cila ka bërë xhiron e internetit, tregon momentin kur një Boeing 747 Dreamlifter i madh ngrihet dhe humbet një nga 18 rrotat e avionit, i cili mori flakë në momentin e ndarjes.
Avioni është i dyti më i madhi në botë, ai është ndërtuar për të transportuar pjesë të avionit midis njësive të kompanisë amerikane.
Rrota ka një peshë prej 122 kg, një lartësi 1.25 metra dhe një trashësi prej 49 cm. Ajo ra në një vresht dhe nuk shkaktoi asnjë lëndim. Boeingu u ul në destinacionin e tij në Karolinën e Veriut, SHBA. /tesheshi.com/
