Më tepër se 40 civilë mbetën të vrarë e 70 të tjerë u plagosën kur avionët luftarakë rusë bombarduan dje një treg të mbipopulluar në Idlib, në veriperëndim të Sirisë.
Bombardimi u krye 15 kilometra në jug të qendrës së Idlibit, në Eriha, ndërsa nuk ka patur shpjegime mbi ngjarjen nga Ministra ruse e Mbrojtjes.
Rusët po bombardojnë në Siri që nga 30 shtatori, e pretendojnë se misioni i tyre luftarak është kundër ISIS-it, por Eriha nuk njihet si një fortesë e tyre.
Ushtria siriane do të tërhiqej në maj të këtij viti nga Erihaja, pasi forcat rebele arritën të marrin kontrollin e Idlibit pas një mësymjeje.
Në të njëjtën provincë, në Idlib, avionët rusë vranë të shtunën 11 civilë ndërsa goditën një zonë banimi. /tesheshi.com/
