E diela ka qenë e përgjakshme në provincën e Idlibit në Siri. Më e pakta 39 persona kanë humbur jetën e dhjetëra të tjerë janë plagosur nga sulmet ajrore të avionëve rusë e sirianë.
Një zyrtar i mbrojtjes civile lokale i ka raportuar agjencisë turke të lajmeve, Anadolu Agency, se një avion luftarak i regjimit sirian ka goditur një treg në Idlib, duke lënë të vrarë 36 persona e duke plagosur 50 të tjerë.
Masakër e ka quajtur ai sulmin e avionëve të Beshar Esadit në muajin e shenjtë të Ramazanit.
Tre persona të tjerë u vranë nga sulmet ajrore ruse në një zonë të banuar në qytetin Merat el-Numan, po në provincën e Idlibit.
Këto janë viktimat më të fundit të sulmeve ajrore të avionëve rusë dhe sirianë, ndërsa ato janë përshkallëzuar në zonat e kontrolluara nga rebelët. /tesheshi.com/
