Bombardimet e avionëve dhe artilerisë turke nuk kanë reshtur ndaj pozicioneve të Njësive të Mbrojtjes Popullore, YPG-së, krahut të armatosur të kurdëve të Partisë së Unionit Demokratik (PYD), në veri të Sirisë.
Mësohet se më shumë se 20 militantë të YPG-së janë vrarë gjatë bombardimeve në Serijset, një fshat në veri të Menbixhit.
Ushtria turke pësoi dje humbjet e para që prej 24 gushtit, ditës kur nisi operacionin “Mburoja e Eufratit”. Një sulm me raketa i militantëve të YPG-së la të vrarë një ushtarak turk dhe plagosi tre të tjerë.
Raketat u hodhën shtatë kilometra në jug të Xherablusit, të çliruar gjatë operacionit, duke goditur dy tanke. Kundërpërgjigjja e forcave turke ka qenë e menjëhershme, me një sërë bombardimesh.
Ushtria turke e ka intensifikuar operacionin ushtarak në veri të Irakut, duke bombarduar nga toka e ajri zonat e kontrolluara nga YPG-ja, që nuk ka pranuar të tërhiqet. /tesheshi.com/
