Bombarduesve mbi qiellin e Sirisë u janë shtuar dhe ato danezë, që për herë të parë kanë goditur objektivat e ISIS-it.
Katër avionë luftarakë F-16 kanë kryer bombardime mbi Rakka.
“Ne mund të pohojmë se avionët luftarakë danezë sulmuan për herë të parë objektivat në territorin sirian,” ka thënë Jan Dam, drejtuesi i operacioneve ndërkombëtare të forcave ajrore daneze.
Sulmet mbi Rakka kanë patur në shenjë ndërtesa kontrolli dhe komande të ISIS-it, si dhe stoqe armatimesh.
Të stacionuar që nga 17 korriku në bazën ajrore të Inxhirlikut, në Adana të Turqisë, avionët luftarakë danezë kanë kryer deri tani fluturime mbikëqyrjeje dhe zbulimi mbi Siri, ndërsa misionet luftarake kanë qenë të kufizuara vetëm në Irak. /tesheshi.com/
