Avionët amerikanë u ngritën për herë të parë nga baza turke Incirlik për të sulmuar pozicione të Shtetit Islamik. Sulmi i parë ajror nga baza turke vjen një muaj pasi dy shtetet ranë dakord të bashkëpunonin në luftën ndaj militantëve, ndërsa Turqia tashmë është pjesë e koalicionit ndërkombëtar e po bën përpjekje për të spastruar zonën kufitare mes Turqisë dhe Sirisë nga ekstremistët.
Ankaraja vendosi të lejojë Shtetet e Bashkuara të kryejnë sulme ajrore kundër ISIS nga baza ajrore Incirlik në fund të muajit korrik.
Në këtë sulm të SHBA-ve nuk ka pasur avionë ushtarakë turq.
Amerikanët kanë nisur fluturimet e armatosura nga baza ajrore strategjike në Turqinë juglindore që prej fundjavës së shkuar. Në bazë tashmë ndodhet një kontigjent avionësh F-16 dhe personel. /tesheshi.com/
