Avionë të NATO-s fluturuan mbi qiellin e Tiranës në një shfaqjeje demonstrative mbshtetjeje për Shqipërinë, në kuadër të instalimit të 50 sosh në bazën ushtarake të Kuçovës, e trashëguar që nga koha e komunizmit.
Siç është vendosur muaj më parë, kjo bazë do vihet në dispozicion të Aleancës Atlantike, në të cilëën vendi ynë është anëtarësuar në vitin 2010.
Komandanti i Komandës Ajrore të NATO-s, gjeneral Tod Wolters, i cili erdhi në Tiranë për të lajmëruar nisjen e punës në këtë bazë, tha: “Kuçova ka disa karakterisitka të veçanta. Është në një vendndodhje të mrekullueshme gjeografike, që të lejon të bësh atë çfarë kemi menduar, përfshi këtu edhe klimën e mirë. Në bazën e Kuçovës do të ulen, do të ngrihen dhe do të stacionohen avionë luftarakë të NATO-s. Nga aty do të kryejmë edhe shërbime të tjera në shërbim të aleancës sonë, që përfshijnë edhe survejimin e hapësirës ajrore, jo vetëm të Shqipërisë, por edhe të rajonit, nëpërmjet aparaturave dhe pajisjeve që do të instalohen atje”.
Nga ana tjetër, ministrja e Mbrojtjes Olta Xhaçka tha se baza e NATO-s në Kuçovë do të jetë një siguri më tepër jo vetëm për vendin tonë, por për të gjithë rajonin: “Kuçova do të jetë bazë e NATO-s. Ky investim është i rëndësishëm jo vetëm për sigurinë e vendit tonë, por edhe për rajonin. Aleanca Euroatlantike është zgjedhja dhe zgjidhja më e mirë për Ballkanin”, theksoi gruaja në krye të ushtrisë shqiptare. /tesheshi.com/
