Përplasja ndërmjet NATO-s dhe Rusisë tashmë po shënon çdo ditë incidente të përsëritura, dhe është një fenomen që po çon në një konflikt të ashpër.
Një ngjarje e rëndë ka ndodhur në Balltik, ku avionët britanikë kanë interceptuar tre aeroplanë luftarakë transporti rusë që kanë hyrë në territorin e vendeve balltike.
Ky incident u bë publik nga Departamenti i Mbrojtjes së Mbretërisë së Bashkuar, në Londër.
Avionët që vinin nga baza ajrore e Amarit në Estoni nuk i janë përgjigjur kërkesës për të dhënë kodin e identifikimit dhe të njohjes.
“Ne mund t’i përgjigjeshim menjëherë aktit të agresionit rus, në bazë të ligjit të mbrojtjes kolektive të NATO-s,” tha sekretari britanik i Mbrojtjes, Michael Fallon.
Nga ana tjetër, Kremlini e ka akuzuar NATO-n për agresion pas instalimit të sistemit raketor në Rumani.
Deklarata e Moskës erdhi pas qëndrimit të sekretarit të Përgjithshëm të NATO-s, Jens Stoltenberg, i cili deklaroi se instalimi i sistemit raketor nuk është kërcënim për Rusinë.
Zëdhënësi i Kremlinit, Dmitry Peskov, e kërcënoi NATO-n për pasoja të rënda. Ai theksoi se, “Rusia do të marrë masat e duhura dhe do t’i përgjigjet dhëmbë për dhëmbë situatës.”
Ndërkaq, presidenti i Rumanisë, Klaus Iohannis, ka përsëritur faktin se raketat nuk janë kërcënim për askënd.
Në të njëjtën kohë, në muajin e ardhshëm pritet që Ballkani të militarizohet edhe më shumë. Në Kroaci do të instalohet sistemi raketor amerikan, dhe në Serbi sistemi raketor rus.
Ku po shkojmë, drejt një lufte të re globale? Të gjitha shenjat janë. /tesheshi.com/
