Kryebashkiaku i Gjirokastër, Flamur Golemi, ia arriti t’ja marrë Sarandës projektin e një areoporti turistik në jug, dhe nga fakti se ai ka ekzistuar më parë në Gjirokastër.
Pas vendimit të qeverisë, ai tha se “ky është një lajm i mirëpritur që i shton vlerë gjithë përpjekjes që ne kemi bërë këto vite për ta vënë këtë aset në shërbim të turizmit”.
“Kemi bërë çmos ta lironim pistën aktuale e të merrnim aprovimin për fluturimet sportive dhe ia dolëm mbanë. Tani është përpara një punë tjetër më e madhe për investimin që do të kryhet e më pas operimin e këtij aeroporti, i cili do të çlirojë potenciale të tjera zhvillimi për Gjirokastrën, Sarandën dhe krejt jugun e vendit”, u shpreh Golemi, doktori oculist që qeverisë qytetin e gurtë me tipare unike osmane, prej vitesh në UNESCO.
“Më herët sesa vonë do të nisin punimet dhe në një të ardhme të afërt kjo vepër infrastrukturore do të jetë gati për fluturimet e para”, tha ai.
Jashtë fokusit mediatik, kryebashkiaku Golemi ka këmbëngulur fort që areoportin e jugut duhet ta ketë Gjirokastra e jo Saranda, edhe kur qeveria vijonte të shprehej për këtë të fundit, duke ia arritur më në fund qëllimin. /tesheshi.com/
