Drejtori i Agjensisë Kombëtare të Bregdetit (AKB), Auron Tare, bëri të ditur se një avion privat me turistë nga SHBA-a ka mbërritur ditën e sotme në Shqipëri, për të parë nga afër trashëgiminë kulturore të vendit tonë.
Tare, ka publikuar një video, duke theksuar se ky është avioni i dytë që vjen nga SHBA, posaçërisht për të vizituar vendin tonë.
“Avioni i dytë privat për këtë sezon me udhëtare amerikanë që vijnë posaçërisht për të parë trashëgiminë kulturore shqiptare. Udhëtarë të kalibrit të lartë nga fusha të ndryshme të elitës amerikane, të cilët flasin mjaft mirë për Tiranën dhe Shqipërinë turistike. Përveç mikpritjes nga kryebashkiaku Veliaj dhe ish-Presidenti Nishani, të habitur nga koncepti i Pemaculturës i një ferme në Shqipëri”, shkruan Tare. /tesheshi.com/
