Publicisti me origjinë izraelite Avi Steinberg njoftoi në fillim të kësaj jave se ai do të hiqte dorë zyrtarisht nga shtetësia e tij izraelite, duke përmendur “ligjet supremaciste të përcaktuara etnikisht” të Izraelit si arsye të drejtpërdrejtë për vendimin e tij.
Duke justifikuar vendimin e tij në një artikull për portalin Truthout, Steinberg tha se shtetësia izraelite “ka qenë gjithmonë një mjet gjenocidi” që legjitimonte kolonializmin e kolonëve.
“Kohët e fundit hyra në konsullatën izraelite dhe dorëzova dokumentet për të hequr dorë zyrtarisht nga shtetësia ime. Ishte një ditë vjeshte jashtëzakonisht e ngrohtë dhe punonjësit e zyrës në pushim po shëlleheshin pranë liqenit në Boston Common. Një natë më parë kishin ndodhur sulme ajrore izraelite në kampet e tendave të refugjatëve në Gaza. Edhe pse palestinezët ende numëronin trupat ose, në shumë raste, mblidhnin atë që kishte mbetur nga të dashurit, gratë para meje me të qeshura më pyesnin se çfarë më kishte sjellë aty.
Studiuesit, gazetarët dhe avokatët në mbarë botën po mbajnë një inventar të detajuar të të gjitha mënyrave në të cilat krimet e Izraelit që nga tetori 2023 përbëjnë krime lufte, krime kundër njerëzimit dhe gjenocid të provuar ligjërisht. Por historia shtrihet përtej tmerreve të vitit të kaluar.
Shtetësia, siç kam unë, ishte pjesë e procesit afatgjatë të gjenocidit. Shteti i Izraelit, që nga fillimi i tij, është mbështetur në normalizimin e ligjeve të supremacizmit të përcaktuara etnikisht për të forcuar një regjim ushtarak, qëllimi i qartë kolonial i të cilit është eliminimi i Palestinës”, shprehet Steinberg në një deklaratë për shtyp të postuar në Truthout.
Avi Steinberg shtoi se, “ligji i nënshtetësisë së Izraelit bazohet në llojet më të këqija të krimeve të dhunshme që ne njohim, dhe në një seri gënjeshtrash gjithnjë e më të thelluara të krijuara për të harruar ato krime. Shfaqja e burokracisë, grackat e sundimit ligjor, me vulat e tyre të Ministrisë së Brendshme, nuk dëshmojnë asgjë tjetër veçse rrëshqitjen e këtij shteti për të mbuluar paligjshmërinë e tij themelore.
Shtetësitë janë, më e rëndësishmja, një instrument i hapur që përdoret për të zhvendosur vazhdimisht njerëzit e vërtetë të gjallë, familjet, të gjithë popullsinë indigjene të këtij vendi”.
Avi Steinberg lindi në Jerusalem nga prindër amerikanë dhe u rrit në një mjedis hebre ortodoks. Në vitin 1993, familja e tij u kthye në SHBA.
“Torahu (libri i shenjtë i hebrenjve) valëvitet në mënyrë rutinore nga nacionalistët që ‘adhurojnë tokën’, por, nëse lexohet në të vërtetë, ai është një rekord i qortimit profetik kundër abuzimit me pushtetin shtetëror”, shkroi ai për Truthout.
“Sionizmi nuk ka asnjë lidhje me judaizmin apo historinë hebraike”, theksoi më tej publicisti. /tesheshi.com/
