Merrni Google Map dhe mundohuni të bëni një udhëtim nga Moska në New York. Me siguri që harta do t’ju tregojë për një udhëtim me avion që lidh dy qytetet. Sigurisht, është mjeti më i shpejtë në botë për të përshkruar distanca kaq të largëta, por shumë shpejt nuk do të jetë i vetmi, të paktën për të bërë lidhjen e Moskës me New Yorkun.
Së fundmi janë zbuluar planet për një korridor të ri të transportit me shpejtësi të lartë që potencialisht mund të lidhë Rusinë me qytetet e SHBA-së përmes hekurudhës dhe autostradës.
Ideja, e quajtur “Rripi i Zhvillimit Trans-Eurasian” (TERP) 12,400 milje, do të lidhë skajin më perëndimor të Rusisë me ngushticën e Beringut pranë Alaskës, në Amerikën e Veriut.
Lajmi është konfirmuar nga ana e Vladimir Yakunin, kreu i Hekurudhave Shtetërore të Rusisë. Ai ka bërë me dije se plani është paraqitur gjatë një mbledhjeje në të Akademisë të Shkencave Ruse në Moskë.
Ky projekt (TERP) parashikon ndërtimin e një autostrade në krah të gjurmëve ekzistuese të hekurudhës trans-Siberiane si dhe ndërtimin e një hekurudhe të re.
Kjo autostradë parashikon lidhjen me sisteme të tjera autostradash ekzistuese në Europë dhe Azi. Largësia mes pikave më lindore dhe perëndimore në Rusi është rreth 10 mijë kilometra. Ministri Yakunin ka deklaruar se autostrada duhet të lidhë Rusinë me Amerikën e Veriut, duke kaluar Chukotka, dhe të hyjë në Alaskën bë veri të qytetit Nome.
Pra, në këtë pikë, ngelet ende problemi i ndërtimit të 836 kilometra rrugë në Alaskë, përmes territorit të papopulluar dhe të shkretë, të mbuluar nga bora, që ndan qytetin Nome nga Fairbanks./tesheshi.com/
