U ndodh të gjithëve nga pak, sidomos gjatë kohës kur lokalet janë plot: jemi ulur, në pritje të kamarierit, por nuk arrijmë t’ia tërheqim vëmendjen për të bërë porosinë.
Në këto raste shpesh kemi tendencën ta fajësojmë kamarierin se nuk e ben mirë punën e tij. Por sipas një studimi të kryer nga disa kërkues gjermanë, çështja mund të jetë pak më ndryshe: mund të ndodh që ne nuk i japim kamarierit “sinjalet e duhura”.
Në ambjente plot me njerëz mund të jetë e vështirë të komunikosh: një problem ky mjaft i madh sidomos në botën e shërbimeve, ku cilësia e shërbimit lidhet ngushtë me aftësinë e atij që shërben për të kënaqur kërkesat e klientit.
Nga studimi ka rezultuar se mesazhi “dua të porosis” nuk është një mesazh verbal; prandaj, sipas studimit, është e nevojshme që të drejtoheni nga banaku dhe ta shikoni kamarierin.
Sigurisht, kjo nuk është ndonjë surprizë e madhe, por fakti interesant është se këto dy lëvizje sebashku janë të “nevojshme dhe të mjaftueshme”, pa pasur nevojë të shtyjmë gjeste të tjera.
Por në këtë pikë kuptohet se hyn në lojë edhe aftësia e kamarierit, pasi studimi ka treguar se injorimi i një porosie është më keq se ta pyesesh për herë të dytë dike që ka porositur më herët, apo dikë që nuk don të porosis. /tesheshi.com/
