Duke folur për të përditshmen belge “Le Soir”, kreu i Komisionit Europian, Jean-Claude Juncker u shpreh i shqetësuar, por dhe disfatist, ndaj qeverisjeve autokratike në dy vende të bllokut: Hungarisë dhe Polonisë.
Sipas tij, Bashkimi Evropian është i pafuqishëm për të vepruar kundër autoritarizmit të shfaqur në këto dy shtete.
Siç dihet, qeveritë e krahut të djathtë në Poloni dhe Hungari janë kritikuar ndërkombëtarisht për forcimin e kontrollit të tyre në media dhe gjyqësor. Për këtë arsye, BE-ja madje ka filluar procedura ligjore kundër Varshavës, gjë që mund të çojë deri në vënie sanksionesh.
Por Juncker tha se “e ashtuquajtura procedura e nenit 7 do të çojë në asgjë, për shkak se disa shtete anëtare të BE-së po deklarojnë se do të refuzojnë ta apelojnë atë”.
“Ky refuzim a priori de facto zhvlerëson Neni 7. E vura re këtë me trishtim dhe zhgënjim, duke shpresuar se njerëzit nuk do t’u japin liri atyre, të cilët do të përfundojnë duke dëmtuar interesat e tyre”, u shpreh Juncker.
I pyetur drejtpërdrejt nëse BE-ja nuk mund të ndalojë trendet shqetësuese në Poloni dhe Hungari, ish-kryeministri i Luksemburgut tha “po, dhe e them me shqetësim. Ka shmangie nga standardet demokratike të BE-së në disa vendet, dhe ne nuk e dimë ku do të na çojë kjo situatë”. /tesheshi.com/
