Stephen Paddock, 64vjeç, është zyrtarisht autori i masakrës së ndodhur në Las Vegas ku mbetën të vrarë 58 persona dhe u plagosën mbi 500 të tjerë.
Krimi masiv ndodhi gjatë një koncerti në resort, ndërsa autori ndodhej në katin e 32 të një hoteli, nga ku ka qëlluar mbi turmën.
Rreth masakrës u ngritën shumë pikëpyetje, ndërsa policia amerikane tha se autori kishte vrarë veten.
Por shokues për ekspertët e hetimit mbetet fakti se 64-vjeçari, tashmë në pension, bënte një jetë të qetë. Ai jetonte prej 2013-ës në Nevada dhe e vizitonte shpesh Las Vegasin, për të marrë pjesë në koncerte.
Paddock ishte një pilot i liçencuar, kishte dy aeroplane, si dhe një leje gjuetie.
Familja Paddock tha se nuk kishte asgjë në të kaluarën e tij që do t´a përfshinte akte dhune.
“Ne jemi të tronditur dhe të tmerruar, nuk kemi absolutisht asnjë ide se si Steve e bëri këtë. Absolutisht asnjë koncept”, tha një i afërm, i cili foli me kusht anonimiteti për të shmangur dëmtimin e të afërmve të tjerë.
“Nuk kishte asgjë sekrete apo të çuditshme për të.”
Anëtarët e familjes thanë se Paddock e kaloi pjesën më të madhe të jetës, pas daljes në pension, duke qëndruar në hotele në Las Vegas dhe duke luajtur bixhoz.
Ata thanë se ai dëgjonte muzikë country dhe shkonte në koncerte kur qëndronte në hotelet e Vegasit. /tesheshi.com/
