Tre ditë pas masakrës së Elbasanit, ku nga të shtënat në një local mbetën tre të vdekur dhe shtatë të plagosur, policia shqiptare ende nuk ka rënë në gjurmët e vrasësve.
Paçka kontrolleve të shumta dhe hetimeve intensive, nuk është arritur të shkohet më tej se disa detaje, krejtësisht të pamjaftueshme për të shkuar tek autorët.
Edhe vetë të plagosurit që kanë nisur të japin dëshmi, janë shprehur të paditur rreth autorëve të asaj masakre.
Nëse do vijojë kështu, kjo mund të quhet si dështimi më i rëndë i policisë dhe prokurorisë shqiptare pas mosgjetjes së vrasësve të bankierit Artan Santo, për autorët dhe shkaqet e ekzekutimit të të cilit ende nuk ka asnjë të dhënë, edhe pse u pat premtuar se do të gjenden. /tesheshi.com/
