Rezultatet e autopsisë në trupin e miliarderit amerikan Jefrrey Epstein, i cili u gjet i vdekur një javë më parë në një burg në New York, kanë konfirmuar se ai kreu vetëvrasje duke u varur, sipas raporteve të mediave.
Kështu, New York Times raportoi mbrëmë se Epstein përdori shtratin për të bërë vetëvrasje.
Epstein, 66 vjeç, ishte në pritje të gjykimit për abuzim seksual ndaj të miturve në një burg të Manhattan.
Miliarderi amerikan ka qenë më parë nën mbikëqyrje për dyshimin se ai mund të kryejë vetëvrasje pasi u gjet në qelinë e tij me një mavijosje në qafë.
Vdekja e tij ka ngjallur spekulime në internet në lidhje me një teori të mundshme vrasjeje dhe komploti.
Epstein ishte i lidhur mirë me njerëz të pasur dhe të fuqishëm, duke përfshirë presidentët Donald Trump dhe Bill Klinton, si dhe Princin e Britanisë, Andreë. /tesheshi.com/
