Ka nisur një revoltë e vërtetë në Partinë Demokratike.
Një vullkan i madh reagimesh që pas deklaratës së Lulzim Bashës se nuk do të largohet nga PD-ja, duket nuk po mjaftohen me pritshmërinë normale për një proces të qetë zgjedhor por kërkojnë revolucion dhe prerje kokash.
Të zemëruar nga heqja në lista, ish-krerët e PD-së, Jozefina Topalli e Genc Ruli bëjnë thirrje për një rebelim që do ta nxjerrë me dhunë Lulzim Bashën nga selia e PD-së.
Majlinda Bregu është më e butë, ajo vetëm qorton ashpër kryetarin por nuk flet për kokëheqje.
‘Sot duhet t’ i dilte per Zot, soreheqjes se tij si pergjegjesi i vetem per katastrofen e pamerituar ne te cilen gjendet sot PD! Si pergjegjesi i vetem per shkaterrimin e strukturave dhe mosperfilljen e forumeve vendimarrese te PD!
Por prej sot,duhet t’i dale per Zot dhe akuzave plot dramacitet infantil per kurthe e armiq klase!
Give me a break Lul! In defeat, defiance!”, shkruan Majlinda Bregu.
Ndërsa Jozefina Topalli është e ashpër:
“Në këto kushte, nëse Basha nuk jep dorëheqjen e parevokueshme, demokratët duhet të marrin fatin në duar, me protesta dhe forma të ndryshme demokratike, me synim kthimin e PD-së demokratëve”, shkruan ish-kryetarja e Parlamentit.
Kurse ish-ministri Genc Ruli i drejtohet Dhjatës së Re dhe kërkon të bëjnë siç Jezusi u soll me tregtarët hebrenj në tempullin e Jeruzalemit.
Basha me deklaratën e tij justifikuese e banale tregoi qe dinjiteti personal eshte gjeja me e fundit qe e shqetson ate. Normalisht per nje individ qe e mori “lidershipin” e PD si dhurate ne “paje” nga Berisha dhe qe i beri programet e listat jo me zyrtaret e PD por me gruan e kunatin.
“Ky lider qe beri nje marreveshje turpi me kundershtarin e tij politik. Thjesh duke kalkuluar interesin e vetvetes e jo te PD . Ky sot duhej vete te deklaronte largimin pa asnje kusht nga drejtimi i partise qe e coi ne gremine.
Ju them atyre qe ende e duan PD, e jo qe ende ju duhet P, nqs ai nuk jep doreheqjen vete deri neser, shkoni te selia e PD e perzejeni ate gruan e kunatin sic perzuri Jezusi tregtaret nga Tempulli”, shkruan Genc Ruli.
Të gjithë nxitojnë që ta largojnë sa më shpejt kryetarin e PD-së, duke mos pritur asnjë çast, nga frika se mos vjen ndonjë faktorizim nga jashtë apo edhe nga brenda.
Pasi Basha tashmë ka një armë më shumë se ata: është në Parlament e ato jo. /tesheshi.com/
