Rënia e një automjeti tip Benz në liqenin e Shkopetit, ka bërë që të hidhen dyshime të forta se ajo, por dhe të tjera që ndodhen në thellësi të ujrave, janë të krimit që më pas vendos t’i fundosë për të humbur gjurmët.
Në rastin e Benzit, është konstatuar se ai ishte i vjedhur në Lushnjë kohë më parë dhe i denoncuar nga pronari, qytetar nga Karbunara.
Dhe tashmë po hetohet se në ç’vepër kriminale mund të jetë përdorur, para se të mbytet në liqen.
Hetimet e deritanishme nuk kanë arritur ende të konstatojnë se kush mund ta ketë përdorur atë automjet gjatë këtyre muajve, por gjithçka për momentin është përqëndruar në zonën përreth.
Benzi i rënë mëngjesin e sotëm në liqen, u arrit të nxirret nga polumbarët, pa konstatuar asnjë frymë njerëzore në të.
Vite më parë, sidomos gjatë ‘97-ës e më tej, zona e liqenin të Shkopetit në Mat ishte ndër më të frikshmet për daljen e maskave në rrugë, duke shënuar dhe viktima gjatë grabitjeve të armatosura. /teshesh.com/
