Një aksident i rëndë dhe i pazakontë ndodhi mbrëmjen e së dielës në aksin Levan – Tepelenë në afërsi të fshatit Varibob.
Sipas njoftimit të policisë, një automjet ka hyrë me shpejtësi mes një turme njerëzish që ishin mbledhur për t’i ardhur në ndihmë një të aksidentuarit, e si pasojë e kanë pësuar vetë. Dy të vdekur e 5 të plagosur, ka qenë bilanci.
Njoftimi i Policisë:
“Në datën 06.01.2019, rreth orës 18:00, në aksin rrugor Levan-Tepelenë, në vendin e quajtur “Varibob”, një automjet ka përplasur një këmbësor. Në vendngjarje janë grumbulluar disa banorë të zonës dhe pasagjerë të një mjeti tjetër që kishte parkuar aty për të dhënë ndihmën e parë personit të aksidentuar, të cilët janë përplasur nga një mjet tjetër tip “Opel” i cili ka hyrë në parakalim. Për pasojë kanë ndërruar jetë shtetasit F.Sh, 64 vjeç, banues në Tiranë dhe D.L, 55 vjeç, banues në Vjosë, Fier si edhe janë dërguar në Spitalin Rajonal Fier dhe ndodhen nën kujdesin e mjekëve 5 shtetas të tjerë. Po punohet për identifikimin e shtetasve të plagosur dhe zbardhjen e plotë të ngjarjes”. /tesheshi.com/
