Udhëtimi i një autobusi me nxënës ka përfunduar në tragjedi ndërsa ai është përplasur dhe ka marrë flakë pranë qytetit italian të Veronës.
Mjeti po kthehej nga Franca për në Budapest, pas një udhëtimi turistik të të rinjve hungarezë, kur është përplasur dhe ka marrë flakë pak para mesnatës.
Numri i të vdekurve nga aksidenti tragjik ka vajtur në gjashtëmbëdhjetë; 36 janë të plagosurit e dërguar në spital. Nuk dihet ende pse autobusi ka dalë nga rruga dhe është përplasur më pas në pengesat, teksa në aksident nuk është përfshirë asnjë mjet tjetër.
Autobusi kishte në të rreth 50 pasagjerë, shumica e të cilëve ishin të rinj hungarezë të moshës 16 deri në 18 vjeç.
Policia italiane lajmëroi për nxjerrjen e 16 trupave të djegur nga mjeti i kthyer në hekurishte. Sipas medias italiane, shoferi francez i autobusit, së bashku me familjen e tij, mund të jenë midis viktimave. /tesheshi.com/
