Një aksidenti i rëndë ka ndodhur në orët e para të së enjtes në një autostradë pranë Eugendorf të Austrisë.
Mësoshet se një autobus i nisur nga Kosova është përplasur me trafikndarësen, duke lënë të plagosur 19 persona, tre prej të cilëve në gjendje më të rëndë.
“Ne u lajmëruam në orën 03:08 dhe autobusi kishte 28 persona.
Në aksident mbetën të plagosur rëndë tre persona dhe 16 të lënduar lehtë, nëntë persona mbetën të palënduar.
Nga tre të plagosurit rëndë, tre janë dërguar në spitalet e Salzburgut”, ka thënë për mediat rajonale të Salzburgut, Hermann Gerstgraser, komandanti i autoritetit të shpëtimit të qarkut të Flachgau.
Ende nuk dihen arsyet e këtij aksidenti, për fat pa viktima. Kujtojmë se kohë më parë, një tragjedi me një autobus me shqiptarë nga Maqedonia do ndodhte në rrugët e Bullgarisë, gjatë kthimit nga Turqia. Afro 50 persona u shuan nën flakët që përpiu paprimtas autobusin, duke u lënë shumë pak mundësi për shpëtim. /tesheshi.com/
