Vjena ka prezantuar atë që kancelari Reinhold Mitterlehner e ka cilësuar saktësisht si “tavani limit” i numrit të azilkërkuesve që do të mund të hyjnë në Austri. Deri në vitin 2019 do të mund të hyjnë maksimumi 127.500 azilantë.
Tavani limit mbi të cilin guvernatori austriak ka rënë dakord parashikon që edhe për këtë vit Vjena do të pranojë vetëm 37.500 azilantë. Kancelari Werner Faymann foli për një “vlerë treguese”, e cila orientohet në një nivel maksimal të 1.5% të popullsisë austriake.
Ndër tët tjera qeveria ka forcuar kontrollet në kufirin me Slloveninë, në Spielfeld. Nga sot do të jetë në funksion një sistem i ri shumë më i ashpër. Forcave të kufirit në Austri do t’u bashkohen edhe 500 ushtarakë të tjerë të trajnuar, për të bllokuar, nëse do të jetë e nevojshme, hyrjen e emigrantëve të cilët nuk konsiderohen të përshtatshëm për aplikimin e azilit.
Në fazën e parë të provës është parashikuar që çdo ditë, në mënyrë të përditshme të kryhen kontrolle të dokumenteve dhe sendeve personale të thuajse 500 emigrantëve. Në muajin shkurt, kur sistemi i ri të nisë të aplikohet, numri i migrantëve që do t’u nënshtrohen kontrolleve të ashpra do të jetë maksimumi 11 mijë./tesheshi.com/
