Pasardhësit e viktimave të nazizmit që duhej të largoheshin nga Austria nga persekutimi prej Rajhut tw Tretë së shpejti do të jenë në gjendje të marrin shtetësinë austriake sipas një ligji të miratuar në parlamentin austriak.
Ligjvënësit përqafuan me shumicë reformën e propozuar nga qeveria e koalicionit të krahut të djathtë nwn drejtimin e Sebastian Kurz, e pas rrëzimit të kwtij tw fundit në maj, propozimi u mor nga qeveria kalimtare aktualisht në fuqi.
Fëmijët, nipërit dhe mbesat e hebrenjve, viktima të nazizmit që u larguan nga Austria për përndjekje nga regjimi i Hitlerit, do të jenë në gjendje të kërkojnë nënshtetësi austriake. Deri më tani, vetëm ata që i mbijetuan Holokaustit mund ta bënin këtë.
Presidenti i komunitetit hebre në Vjenë, Oskar Deutsch, vlerësoi “vendimin që e vendos Austrinë në nivelin e përgjegjësisë së saj historike” për krimet në Luftën e Dytë Botërore.
Udhëheqësi konservator Sebastian Kurz, si dhe FPO (ekstremi i djathtë) janw shprehur me gjeste diplomatike ndaj Izraelit në 18 muaj të sundimit të tyre.
Sipas ligjit të ri, pasardhësit e viktimave të nazizmit do të marrin një pasaportë pa pasur nevojë të banojnë në Austri dhe të mos kenë nevojë të heqin dorë nga shtetësia e tyre e parë, duke krijuar një sistem të veçantë pasi ligji austriak lejon shtetësinë e dyfishtë vetëm në raste të jashtëzakonshme.
Në një debat paragjyqësor, zyrtarët austriakë thanë se kishin marrë pyetje nga pasardhësit e viktimave të gjeneratës së dytë dhe të tretë, veçanërisht britanikët e interesuar për të fituar shtetësinë e BE pas Brexit. /tesheshi.com/
