Policia austriake vijon të kërkojë të dyshuarin për krimin e ndodhur të shtunën e javës së kaluar në Vjenë, ku një shtetas serb u qëllua për vdekje.
Sipas agjensisë austriake të lajmeve APA, autori i krimit dyshohet se është një shtetas shqiptar i Kosovës, 38 vjeç.
Ndërkohë viktima, 37 vjeç, ishe pronar i një klubi në Vjenë.
Shkak për konfliktin, që u mbyll me një viktimë, ishte një kompliment që shtetasi serb i kishte bërë një prej shoqërueseve të shqiptarit.
Duket se ky kompliment është marrë si fyerje nga autori i dyshuar çka është pasuar me një konflikt verbal dhe më pas me përdorimin e një thike, me të cilën shqiptari ka goditur viktimën.
Pas krimit, 38-vjeçari është larguar, ndërsa policia prej 5 ditësh ndodhet në kërkim të tij.
Viktima mësohet se është goditur disa herë me thikë, por një prej tyre ka rezultuar fatale, pasi ishte në zemër. /tesheshi.com/
