Të gjitha vendet e Ballkanit Perëndimor do të jenë në listën “e gjelbër” epidemiologjike të Austrisë nga e enjtja.
Siç është njoftuar në Vjenë, në Dekretin që do të hyjë në fuqi të wnjten, qytetarët e të gjitha vendeve të Ballkanit Perëndimor do të jenë në gjendje të hyjnë në Austri.
Deri më tani, vetëm Serbia dhe Maqedonia Veriore, si dhe Shqipëria, ishin në listën “e gjelbër”, Bosnja, Mali i Zi dhe Kosova jo.
Udhëtarët që vijnë nga vendet në listën “e gjelbër” do të jenë në gjendje të hyjnë në Austri pa karantinë nëse kanë një certifikatë vaksinimi, me vaksina të njohura nga Agjencia Evropiane e Barnave (EMA) – Pfizer, Moderna, AstraZeneca dhe Johson & Johnson – dhe nga OBSH – Sinovac.
Sputnik V rus nuk pranohet nga autoritetet austriake.
Ata që nuk kanë një çertifikatë vaksinimi duhet të kenë një certifikatë të COVID 19, ose një PCR negativ ose test antigjeni.
Pasagjerët që vijnë nga vendet në listën “e gjelbër” nuk duhet të plotësojnë regjistrimin elektronik para udhëtimit.
Me dekretin e ri, Rusia përfshihet në vendet ku po përhapet një farë e re e virusit Corona, prandaj të gjithë ata që vijnë në Austri pas qëndrimit të tyre në atë vend do të duhet të futen në karantinë.
Kjo tashmë vlen për Mbretërinë e Bashkuar, Brazilin, Indinë dhe Afrikën e Jugut. /tesheshi.com/
