Dy të rinj mund të cilësohen si njerëz me shumë fat, pasi kanë qenë të pranishëm edhe në momente të tjera të sulmeve terroriste, por fatmirësisht nuk kanë pësuar lëndime.
30- vjeçari Chris Pawley nga Britania e Madhe dhe australiania, Julia Monaco, 26 vjeçe, shpëtuan mrekullisht në sulmin e ndodhur dy ditë më parë në Barcelonë, ku një fugon goditi këmbësorët duke shkaktuar 14 viktima.
Por kjo nuk është hera e parë që të rinjtë shpëtojnë nga sulmet terroriste.
Chris kishte qenë në arenën e koncertit të Ariana Grandes në Manchester, por ai u largua vetëm pak çaste para se kamikazi të shpërthente. Nga sulmi mbetën të varë më shumë se 20 persona.
Austaliania mund të cilësohet me më shumë fat, pasi i ka shpëtuar dy sulmve terroriste, në London Bridge në Londër ku humbën jetën 7 persona dhe sulmit të Notre Dame në Paris, ku një person sulmoi me çekiç efektivët e policisë shkruan Tg.com.
Julia Monaco ditën e enjte ishte duke bërë shopping me një shoqe në Plaza Catalunya, në momentin kur furgoni hyn në turmën e njerëzve. Australiania hyri në një dyqan, ku për orë të tëra qëndroi shtrirë në dysheme larg vitrinave. /tesheshi.com/
