Australia mund të jetë “Greqia” e re në Azi, me Kinën kreditore në vend të BE-së

Këto muajt e fundit, thonë analistët ekonomikë, transmeton gazeta The Telegraph, Australia po përballet me masa drastike të kompanive të saj më të mëdha, ulje rrogash e investimesh, për shkak të rënies së cmimit të të mirave që ajo nxjerr nga minierat.

Manjatët e minierave si p.sh Gina Rinehart, gruaja më e pasur e Australisë, trashëgimtare e dinastisë së minierave Perth’s Hancock ka pësuar humbje për shkak të rënies së cmimit të hekurit, nga 30 miliardë dollar që ishte pasuria e saj tre vjet më parë, ajo tashmë ka rreth 11 miliardë dollarë.

Por, ky shembull, thonë ekspertët është ilustrim i një problemi më të gjerë ekonomik me të cilën përballet vendi, që për shumë vjet u konsiderua si fatlum për shkak të pasurive të mëdha natyrore nëntokësore, hekur, qymyr dhe ar.

Gjatë viteve të “boom”-it ekonomik, kur Kina blinte cdo gjë që dilte nga toka, ekonomia australiane ngjasonte me atë të vendit të pasur me naftë, Arabisë Saudite. Ndërsa pjesa tjetër e botës vuante pasojat e krizës ekonomike, Australia, ekonomia e së cilës kishte lidhje të ngushta me Kinën, dukej e pamposhtur, me punësim të lartë dhe tepricë tregtare.

Por, rënia e cmimit të hekurit dhe qymyrit së bashku me reduktimin e investimeve nga kompanitë e mëdha e kanë ekspozuar Australinë përballë një krize.

Ekonomistë të respektuar në Australi thonë se përshkallëzimi i borxhit të huaj mund të përfaqësojë rreziqe për të ardhmen. Nëse periudha e rënies së cmimeve të komoditeteve, vazhdon, atëherë Australia mund të jetë versioni “Greqi” i Azisë, me Kinën bankieren e shpresës së fundit në vend të Bashkimit Europian. /tesheshi/