50.000-vjeçare. Kjo është mosha e një vend banimi prehistorik që është zbuluar së fundi në Australi, i cilësuar edhe si “Atlantida Australiane”. Ekspertët e prehistorisë e kanë deklaruar si një nga vendbanimet më të hershme të njohura të banuara nga njerëz në Australi, territor i cili ka pësuar ulje-ngritje në kohë dhe pasi ka ridalë nga ujrat e detit, tashmë është zbuluar.
Për ta ky është një zbulim i pashembullt me eshtra dhe artefakte. Zbulimi i përket shpellës në bregun e Barrow Island, i cili shtrihet rreth 50 kilometra nga Australia Perëndimore kontinentale. Shkencëtarët, pas gjetjeve deklaruan se ato janë disa mbetje nga banimet e para njerëzore të Australisë të datuara rreth 50.000 vjet më parë. Ky konkluzion i përket jë studimi të botuar në revistën “Kërkimet Shkencore” të Kuaternarit.
Ky studim vëren se pjesa më e madhe e tokës së banuar nga populli i parë, aborigjenët e Australisë, është tani në thellësitë nënujore. Por ka qenë një vend i rrallë që mbijetoi, i njohur si Boodie Cave në Barrow Island, i cili u braktis rreth 7,000 vjet më parë kur deti u rrit në nivelin e tij të tanishëm.
“Shpella ishte përdorur kryesisht si një strehë gjueti në një periudhë të ndërmjetme mes 50.000 dhe 30.000 viteve më parë. Më pas ajo është përdorur si vendbanim për grupet e familjeve të 10.000-vjeçarit të fundit”, ka bërë me dije studiuesi Peter Veth i Universitetit të Australisë Perëndimore, në një deklaratë te publikuar mediatike.
“Shpella e madhe në ishullin Barrow siguroi të dhëna të pasura për artefaktet e lashta, grumbullimin dhe gjuetinë e kafshëve detare, dhe më pas tokësore”, tha ai.
Gjetjet tregojnë përshtatshmërinë e njerëzve të parë të Australisë, duke gjuajtur dhe duke ngrënë kafshë krejtësisht të ndryshme në tokë kur deti u tërhoq. Pas kafshëve detare, është zbuluar se banorët e lashtë janë adaptuar me terrenin duke gjuajtur dhe konsumuar kafshët e reja marsupiale si dhe bimët e zonave të thata të shkretëtirave detare të Australisë veri-perëndimore. /tesheshi.com/
