Australia shpalli planin për të parandaluar sulmet me makina kundër qytetarëve në vende publike, siç ndodhi 3 ditë më parë në Barcelonë (Spanjë).
Kryeministri australian, Malcolm Turnbull, ndërsa bëri publik planin, tha se siç kemi parë deri më tani në Paris, Londër, berlin e Barcelonë, terroristët sulmojnë në vendet me prani të madhe njerëzish.
Nisur nga kjo, qeveritë lokale dhe bizneseve të pozicionuara në zona shumë të populluara, u kërkohet të vendosin barrier që mund të ndihmojnë në zvogëlimin e ashpërsisë së sulmeve, përfshirë edhe instalimin e blloqeve të betonit, për të ndalur mjetet apo ulur shpejtësinë e tyre.
Kjo strategji fillimisht ishte paraqitur pas një sulmi me makinë në qytetin e Nicës në Francë, ngjarje e ndodhur në korrik të vitit 2016, ku humbën jetën 86 qytetarë. /tesheshi.com/
