Më shumë se 60 përqind e afro 400,000 të burgosurve të regjistruar në kampin nazist të Aushvicit janë identifikuar deri më tani, tha Qendra Memoriale.
Shifra nuk përfshin afro 900,000 hebrenj të internuar në Aushvic nga Evropa e okupuar dhe të vrarë menjëherë në dhomat e gazit.
Muzeu po punon për të vendosur identitetin e tyre bazuar në listat e transportit, tha drejtori i muzeut Piotr Cyccinski.
“Misioni ynë është i thjeshtë – të mbajmë sa më shumë emra në vetëdijen kolektive,” vuri në dukje Cyccinski.
Në maj të vitit të ardhshëm, më shumë se 420,000 emra hebrenj nga listat e transportit që janë deportuar në kamp do të publikohen në faqen e internetit të muzeut.
Në atë kamp përqendrimi gjatë Luftës së Dytë Botërore, më shumë se një milion njerëz u vranë, shumica prej tyre hebrenj.
Më 27 janar, bota do të shënojë 75 -vjetorin e saj qëkur Ushtria e Kuqe Sovjetike çliroi Aushvicin. /tesheshi.com/
