Sot në Poloni, ish-kampi nazist Aushvic do të përkujtohet në Ditën e Kujtimit të Holokaustit, saktësisht 75 vjet pasi u çlirua nga forcat sovjetike.
Pjesëmarrësve do t’u drejtohen të mbijetuarit e kampit për t’u dërguar një mesazh atyre që kanë vendimmarrje sot në botë.
“Ata shpresojnë se bota do t’i përkujtojë viktimat me ta, që udhëheqësit që vendosin fatin tonë sot dhe në të ardhmen do të dëgjojnë me vëmendje paralajmërimet që vijnë nga fati i tyre tragjik”, tha Piotr M. A. Cyëinski, drejtor i Muzeut Shtetëror Aushvic-Birkenau.
“Qëllimi i këtij përvjetori është të zgjojmë ndërgjegjen, të marrim përgjegjësi të rrënjosur në kujtesë,” shtoi ai.
Kampi i Përqëndrimit i Aushvicit-Birkenau, në të cilin mbi një milion e njëqind mijë njerëz u vranë nga nazistët gjatë Luftës së Dytë Botërore, shumica e tyre hebrenj, është një simbol i genocidit, Holokaustit dhe së keqes.
Hebrenjtë, të burgosurit e luftës, polakët, romët dhe anëtarët e minoriteteve të tjera, u shuan nga dhomat e gazit, nga uria, sëmundja dhe puna e detyruar.
Në përkujtimin e këtij viti do të marrin pjesë delegacione zyrtare nga 50 vende, duke përfshirë rreth 20 kryetarë shtete ose qeverie, dhe përfaqësues të organizatave ndërkombëtare. /tesheshi.com/
