Një ndër drejtuesit e Forumit të Trashëgimisë, Auron Tare, ka denoncuar kualitetin e ulët të flamurit shqiptar që valëvitet në Kalanë e Shkodrës, ndër më historiket dhe më të bujshmet që ka Shqipëria. Sipas tij, ai është një flamur kinez i porositur nga ish-qeveria Berisha që nuk e nderon aspak këtë kala.
Dhe më parë se të mbërrijë deri në këtë denoncim, Tare veçon një ndër “gurët” e lavdishëm të kësaj kalaje, përballjen e trupave të Hasan Riza Pashës me malazezët, e cila ishte dhe me flamuj, përveçse me armë. E përcjellë këtë dhe me foto të rralla të malazezëve të cilët kurrë nuk e gëzuan.
Ja ç’shkruan Tare në një status në FB:
“Kur kalaja e Shkodres ishte rrethuar nga malazezet, komandanti i trupave otomane dhe vullnetareve shqiptare, Hasan Riza Pasha ju propozoi malesoreve te ngrinin flamurin shqiptar ne bedenat e kalase.
Ngritja e flamurit ishte nje prej momenteve me te rendesishme te Rrethimit te Shkodres. Kronikat jane paksa te turbullta ne se flamuri u ngrit apo jo por me dorezimin e Shkodres malazezet te paren gje qe bene ngriten Flamurin e tyre. Me largimin trupave malazeze, Flamuri shqiptar u ngrit me ne fund krenar ne Kalane e Shkodres. Kane kaluar mbi 100 vjet nga kjo lufte dhe historia e Flamurit permendet gjithmone nga historianet.
Fund qershori 2017. Ne Kalane e Shkodres valevitet flamuri i shperfytyruar porositur ne Kine nga Qeveria Berisha. Une nuk e di se kush e ka ne administrim Kalane e Shkodres por nuk mund te mos i them dy fjale per kete turp qe i behet Flamurit KOmbetar. Ne 2012 sebashku me kolegun Tahiri kemi bere nje debat te gjate ne Parlament per te demaskuar perdhosjen e simbolit kombetar. NUk ka keqardhje me te madhe per mua kur shikoj ende Flamurin e shperfyturuar nga papergjegjesia e Qeverise Berisha te valevitet ende ne Kalane simbol te rezistences shqiptare te Shkodres”.
Por çfarë ka flamuri që në dukje shfaqet si normal? Ai i përket nje seti flamujsh të porositur në Kinë nga ish-qeveria Berisha për 100-vjetorin e Pavarësisë. Që atëherë pati një debat mbi disa detaje që e largonin atë nga origjinaliteti dhe estetika e nevojshme, ku veçohej gjuha e gjatë e shqiponjës. Këta flamuj “kinezë” janë ende aktivë në valëvitjen e tyre kudo nëpër Shqipëri. /tesheshi.com/
