Kina vijon të “gllabërojë” nëpërmjet milionave, yjet e futbollit botëror. është sulmuesi i Borusias së Dordmundit, Pierre-Emerick Aubameyang, ylli i rradhës që po tundohet “keqazi” nga oferta lindore për të përfituar 30 milion euro në sezon.
Golashënuesi më i mirë i Bundesligës me 31 gola, Aubameyang, është edhe në listën e Realit të Madridit, PSG e Mancester United, por shifra “e frikshme” që mbërrin nga skuadra e Tianjin, mund ta bëjë më pragmatist, për të përfituar këtë shumë, në kulmin e karrierës së vet.
Sipas mediave gjermane, nëse marrëveshja arrihet, për klubin e Dordmundit, arkëtohen 80 milion euro. Futbolli luhet me zemër dhe pasion, por përballë shifrave “të paturpshme”, ndonjëherë mund të luhet për më pak famë e më shumë para. /tesheshi.com/
