Udhëheqësi i Koresë së Veriut Kim Jong-un ka mbikëqyrur një manovër tjetër ushtarake përpara seancës parlamentare që do të zhvillohet përkundër pandemisë, raportojnë media shtetërore.
Më e fundit në një seri manovrash nga Ushtria e Koresë së Veriut këtë muaj përfshinte këmbësorët në shënjestrimin e objektiva me mortaja.
Në disa manovra të mëparshme, përkundër masave të ngushta kundër përhapjes së koronavirusit, u qëlluan raketa balistike me rreze të shkurtër.
Siç citohet nga agjensia shtetërore KCNA, “stërvitja u mbajt për të forcuar më tej aftësinë e mbrojtjes së vendit”.
Agjensia tregon se “fryma e lartë ushtarake dhe entuziazmi përshkuan të gjitha njësitë dhe artilerinë ndërsa morën pjesë në një stërvitje zjarri nën mbikëqyrjen e drejtpërdrejtë të udhëheqësi suprem”.
Koreja e Veriut pretendon se nuk ka raste të konfirmuara infektimesh, por shprehet se po vazhdon testimin dhe ka më shumë se 500 njerëz në karantinë. /tesheshi.com/
