Një kanal gjysmë metër i gjerë në distriktin Bijare të Sulejmanies në Irakun verilindor shënon kufirin e Irakut me Iranin.
Në atë vend, familjet dhe miqtë nga dy vende takohen në kafene. Mes tyre nuk ka asnjë pikë kalimi kufitar apo pikë kontrolli.
Çaji i gatuar në kafenetë e vendosura në rajonin kufitar të qytetit të Sulejmanijes u ofrohet klientëve në të dy anët e kufirit.
Kafenetë e hapura rreth kanalit të ujit që përcakton kufirin në rrethin Bijares janë një burim të ardhurash për tregtarët vendas.
Rebvar Salih Heme Husein, i cili drejton një kafene të quajtur “Iraku dhe Irani”, pati mundësinë të presë turistë nga vende të tjera, si dhe vizitorë nga Iraku dhe Irani.
“Klientët e mi vijnë nga të dy anët e kufirit. Një irakian dëshiron të pijë çaj në territorin iranian. Ky vend, ku nuk ka pika kontrolli, pika kufitare apo shenja të tjera përveç një kanali uji që shënon kufirin dhe kjo kënaq turistët,” tha Husein. /tesheshi.com/
