Ka shkuar në shifrën 19, numri i viktimave nga përmbytjet apokaliptike të ndodhura në disa lagje periferike të Athinës. Kjo, pas gjetjes dhe të tre trupave të tjerë.
“Trupat e tre burrave të zbuluar të shtunën, të moshës 28, 58 dhe 35 vjeç u identifikuan nga të afërmit e tyre. Ne po vijojmë ende kërkimet për të paktën tre persona që rezultojnë të zhdukur”, informoi Nikos Papaefstathiou, një prej autoriteteve zyrtare në krye të operacioneve të shpëtimit.
Ndërkohë, nuk ka ende lajm mbi një 29-vjeçar të zhdukur, të cilit i është gjetur makina me sendet personale, pa të brenda. Bëhet fjalë për Petro Kolecin me banim në Mandra, një ndër lagjet më të prekura nga vërshimet, i cili ka dalë mëngjesin e të mërkurës për në punë, në mes të rrëmetit, por që prej asaj dite rezulton i zhdukur. /tesheshi.com/
