Një ditë pas deklaratave të Kryeministrit Edi Rama në kongresin e PDIU-së se duhet të hiqet ligji e luftës me Greqinë, reagon ashpët Ministria e Jashtme e shtetit fqinjë.
Nëpërmjet një deklarate për shtyp të publikuar në faqen e saj zyrtare online Athina i quan “të papranueshme” deklaratat e Ramës.
Në deklaratë, shkruhet se “Shqipëria duhet të kuptojë se kursi i saj evropian varet nga zbatimi i pesë prioriteve.
Shqipëria duhet të respektojë vendimet e gjykatave dhe të mos ngrejë çështje inekzistente. Kërkohet marrëdhënie e mirë mes vendeve fqinje, të respektohen faktet historike. Marrëdhënia e mirë mes fqinjve garanton stabilitet në rajon”.
Një ditë më parë Kryeministri Rama tha në Kongresin e PDIU-së se kushti i Tiranës ndaj Athinës është heqja e ligjit të luftës.
Ndëkaq, nesër zhvillohet vizita e tretë, dhe ndoshta më e rëndësishmja e ministrit grek të Punëve të Jashtme në Tiranë.
Shefi i diplomacisë greke Nicholas Kotzias viziton për herë të dytë Tiranën brenda një kohë të shkurtër në një tentative të Athinës për të mbyllur mosmarrveshjet me Shqipërinë.
Siç bën të ditur ministria e Jashtme shqiptare, ministri Ditmir Bushati, do ta nisë javën me takimin e homologut grek, i cili do të zhvillohet në ora 10.00 në anbjentet e ministrisë së Jashtme.
Pas takimit do të ketë një konferencë për shtyp, ndërkaq dy ministrat, të martën në mëngjes do të përballen me studentët dhe profesorët e Universitetit të Tiranës, në një konferencë mbi rëndësinë e relacionieve Tiranë Athinë. Titulli i këtij aktiviteti është: “Mbi rëndësinë e marrëdhënieve shqiptaro-greke për të ardhmen evropiane të rajonit”.
Në fakt në këtë takim Athina synon që të sheshohen tre problemet kyçe me Shqipërinë siç është çështja e kufirit detar, problemin e zonës ekskluzive ekonomike dhe çështjen e minoritetit grek në Shqipëri dhe marrëdhëniet me Kishën Ortodokse.
Prej vitesh qeveria shqiptare ka pasur një relacion të acaruar me Kishën ortodokse dhe kryepeshkopin Janullatos.
Ndërkaq, Kryeministri Edi Rama, dy ditë më parë i hodhui benzinë zjarrit, gjatë kongresit të PDIU-së, gjë që shkaktoi reagimin e ashpër të Athinës.
/tesheshi.com/
